संग्रामसिंह मोहिते पाटील मित्र मंडळाच्या लेझीम स्पर्धेचा समारोप
अकलूज वैभव न्यूज नेटवर्क
आकाश भाग्यवंत नायकुडे, मुंबई.
दिनांक 10/01/2026 :
संग्रामसिंह मोहिते पाटील मित्र मंडळ व शिक्षण प्रसारक मंडळ अकलूज यांच्या संयुक्त विद्यमाने दिनांक ७ ते ९ जानेवारी २०२६ या कालावधी साठी आयोजित केलेल्या वीसाव्या भव्य लेझीम स्पर्धेचा बक्षीस वितरणाने समारोप झाला. सहकार महर्षि शंकरराव मोहिते पाटील यांच्या जयंतीनिमित्त विजय चौक, अकलूज येथे सदरच्या स्पर्धा संपन्न झाल्या. बक्षीस वितरण प्रसंगी मंडळाचे मार्गदर्शक जयसिंह मोहिते पाटील, अध्यक्ष संग्रामसिंह मोहिते पाटील, सौ.ऋतुजादेवी मोहिते पाटील, नूतन नगरसेवक सयाजीराजे मोहिते पाटील, कु.कृष्णप्रिया मोहिते पाटील, दिपकराव खराडे पाटील, सचिव अभिजीत रणवरे, सहसचिव हर्षवर्धन खराडे पाटील, विविध संस्थांचे आजी-माजी पदाधिकारी
मोठ्या संख्येने उपस्थित होते.
स्पर्धेच्या अखेरच्या दिवशी शहरी मुली ब गटात- श्री जयसिंह मोहिते पाटील विद्यालय संग्रामनगर यांनी प्रथम , श्री हनुमान विद्यालय लवंग यांनी द्वितीय व कृष्णानंद विद्यामंदिर पाटील वस्ती यांनी तृतीय क्रमांक पटकावला. शहरी मुली अ गटात -महर्षि शंकरराव मोहिते प्रशाला, यशवंतनगर व सदाशिवराव माने विद्यालय अकलूज यांनी विभागून प्रथम क्रमांक पटकावला.तर
जिजामाता कन्या प्रशाला अकलूज यांनी द्वितीय व लक्ष्मीबाई कन्या प्रशाला यशवंतनगर यांनी तृतीय क्रमांक पटकावला.
मुलांच्या खुल्या गटात-
शंकरराव मोहिते महाविद्यालय अकलूज व कर्मवीर बाबासाहेब माने-पाटील विद्यार्थी वसतिगृह मोरोची यांनी विभागून प्रथम क्रमांक पटकावला. विजय विद्यार्थी वसतिगृह अकलूज यांनी द्वितीय व औषधनिर्माणशास्त्र महाविद्यालय (पदवी)अकलूज यांनी तृतीय क्रमांक पटकावला. तर उत्कृष्ट प्रशिक्षक म्हणून ईलाही बागवान, उत्कृष्ट हालगी वादक मोहन चव्हाण, उत्कृष्ट घुमके वादक शिवाजी होनमाने, उत्कृष्ट सनई वादक मारुती केंगार,उत्कृष्ट झांज वादक सदाशिव आरडे यांना रोख रक्कम व सन्मान चिन्ह देऊन गौरविण्यात आले.
संजय राऊत यांनी स्वागत केले. किरण सूर्यवंशी,शकील मुलाणी यांनी सुत्रसंचलन केले. स्पर्धा यशस्वी करण्यासाठी मंडळाच्या सर्व सदस्यांनी परिश्रम घेतले.
सोबत फोटो…
विजेत्या संघांना बक्षीस देताना जयसिंह मोहिते पाटील, संग्रामसिंह मोहिते पाटील, सयाजीराजे मोहिते पाटील व मान्यवर..
