🔰 “टेकमहर्षि” या राज्यस्तरीय टेक्नीकल स्पर्धा संपन्न 🟢 ५०० पेक्षा अधिक विद्यार्थ्यांचा स्पर्धेत सहभाग

🔰 “टेकमहर्षि” या राज्यस्तरीय टेक्नीकल स्पर्धा संपन्न
🟢 ५०० पेक्षा अधिक विद्यार्थ्यांचा स्पर्धेत सहभाग

अकलूज वैभव न्यूज नेटवर्क
आकाश भाग्यवंत नायकुडे,
मुंबई दिनांक 29/11/2025 :
सहकार महर्षि शंकरराव मोहिते पाटील इन्स्टिट्यूट ऑफ टेक्नॉलॉजी अँड रिसर्च अकलूज या संस्थेचे अध्यक्ष जयसिंह शंकरराव मोहिते पाटील यांच्या वाढदिवसाचे औचित्य साधून “टेकमहर्षि” या राज्यस्तरीय टेक्नीकल स्पर्धेचे आयोजन दि. ३० नोव्हेंबर २०२५ रोजी महाविदयालय विकास समिती अध्यक्षा कु. स्वरूपाराणी जयसिंह मोहिते-पाटील यांचे मार्गदर्शनाखाली करण्यात आल्याची माहिती महाविद्यालयाचे प्राचार्य डॉ. प्रवीण ढवळे यांनी दिली. सदर स्पर्धेच्या माध्यमातून माळशिरस तालुक्यातील विविध शाळामधील दहावी व बारावीच्या विध्यार्थ्यांसाठी पोस्टर सादरीकरण स्पर्धा, प्रश्नमंजुषा स्पर्धा, वकृत्व स्पर्धा व प्रकल्प स्पर्धा इत्यादी स्पर्धाचे आयोजन करण्यात आलेले होते.
या टेक्नीकल स्पर्धेचे उद्घाटन सूर्यकांत काशिनाथ गोडसे (मुख्य अभियंता, सहकार महर्षी शंकरराव मोहिते पाटील सहकारी साखर कारखाना लिमिटेड, शंकरनगर) यांचे हस्ते करण्यात आले. या इव्हेंटमध्ये अकलूज व पंचक्रोशीतील विविध शाळांमधील जवळपास ५०० हून अधिक विद्यार्थ्यांनी अतिशय उत्स्फुर्तपणे आपला सहभाग नोंदवीला. या स्पर्धेसाठी परीक्षक म्हणून विजय उबाळे,शिवराज जम्बेनाळ, धन्यकुमार साळवे, तात्यासाहेब काटकर व आर. आर. पाटील, विजय डोंगरे हे उपस्थित होते.

१० वी गटामध्ये पोस्टर सादरीकरण स्पर्धेमध्ये प्राजक्ता लोंढे मोरजाई विद्यालय मोरोची प्रथम क्रमांक, अक्षरा किर्दकर लक्ष्मीबाई कन्या प्रशाला यशवंतनगर द्वितीय क्रमांक तर अरमान मुलानी मोरजाई विद्यालय मोरोची तृतीय क्रमांक, प्रश्नमंजुषा स्पर्धेमध्ये आर्यन कांबळे महर्षी प्रशाला यशवंतनगर प्रथम क्रमांक, यशवर्धन साळुंखे रत्नप्रभादेवी मोहिते पाटील विद्यालय मांडवे द्वितीय क्रमांक तर प्रतीक शिंदे महर्षी प्रशाला यशवंतनगर व श्रेया काळे लक्ष्मीबाई कन्या प्रशाला यशवंतनगर तृतीय क्रमांक, प्रकल्प स्पर्ध्येमध्ये आयुष्य लोखंडे व प्रज्वल जाधव लोकविकास इंग्लिश मेडीयम स्कूल वेळापूर प्रथम क्रमांक, कृष्णा घुले लक्ष्मीबाई कन्या प्रशाला यशवंतनगर द्वितीय क्रमांक तर करण बराडे महर्षि प्रशाला यशवंतनगर तृतीय क्रमांक, वकृत्व स्पर्धेमध्ये भूमिका कारमकर महर्षि प्रशाला यशवंतनगर प्रथम क्रमांक, सोनाली काळे बाणलिंग विद्यालय फोंडशिरस द्वितीय क्रमांक तर रोशनी जाधव रणजितसिंह मोहिते पाटील विद्यालय जाधववाडी तृतीय क्रमांक पटकाविला.
१२ वी गटामध्ये पोस्टर सादरीकरण स्पर्धेमध्ये आर्जवी चांकेश्वरा शंकरराव मोहिते महाविद्यालय माळेवाडी प्रथम क्रमांक, संकेत निकम सदाशिवराव माने विद्यालय अकलूज द्वितीय क्रमांक तर सानिका जाधव शंकरराव मोहिते महाविद्यालय माळेवाडी तृतीय क्रमांक, प्रश्नमंजुषा स्पर्धेमध्ये कर्मवीर भाऊराव पाटील विद्यालय सदाशिवनगर या शाळेचे शनिदेव जगदाळे प्रथम क्रमांक, सोनाली पालवे द्वितीय क्रमांक तर अतिश कांबळे तृतीय क्रमांक, प्रकल्प स्पर्ध्येमध्ये सुहास लोखंडे व सार्थक गुळवे सदाशिवराव माने विद्यालय अकलूज प्रथम क्रमांक, प्रीती एकतपुरे व मानसी नवले शंकरराव मोहिते महाविद्यालय माळेवाडी द्वितीय क्रमांक तर पुजा पिसे व पायल बनसोडे शंकरराव मोहिते महाविद्यालय माळेवाडी तृतीय क्रमांक, वकृत्व स्पर्धेमध्ये सदाशिवराव माने विद्यालय अकलूज प्रथम क्रमांक, शंकरराव मोहिते महाविद्यालय माळेवाडी द्वितीय क्रमांक पटकाविला.
विजेता विद्यार्थ्यांचा महाविद्यालयाच्या प्राचार्यांच्या हस्ते सन्मान चिन्ह देवून गौरव करण्यात आला तसेच विजेता व सहभागी विद्यार्थ्यांचे अभिनंदन केले व महाविद्यालयामध्ये उपलब्ध असणाऱ्या पदवी व पदविका अभियांत्रिकीच्या कोर्सेसची माहिती देवून सर्व विद्यार्थ्यांनी याचा लाभ घ्यावा असे आवाहन केले. उपस्थित सर्वांनी महाविद्यालयात उपलब्ध असलेल्या सोयी व सुविधा याबाबत समाधान व्यक्त केले व आदरणीय दादा साहेबांना वाढदिवसा निमित्त शुभेच्छा देखील दिल्या.
हा कार्यक्रम यशस्वीरित्या पार पाडण्यासाठी कार्यक्रमाचे समन्वयक म्हणून प्रा. पाटील पी.जी., प्रा. बोंद्रे एस. एस. तसेच सर्व विभागाचे विभागप्रमुख, शिक्षक व शिक्षकेत्तर कर्मचारी यानी काम पाहिले.