अकलूज शहर व परिसर फोटोग्राफर संघाने पटकावला क्रिकेट स्पर्धेचा चषक
अकलूज वैभव न्यूज नेटवर्क
आकाश भाग्यवंत नायकुडे,
मुंबई दिनांक 14/10/2025 :
सोलापूर येथे फोटोग्राफर वेल्फर असोसिएशन ऑफ सोलापूरच्या वतीने भव्य टेनिस बॉल क्रिकेट स्पर्धा आयोजित करण्यात आल्या होत्या. या तृतीय वर्षीय क्रिकेट स्पर्धेचा पहिल्या क्रमांकाचा विजेता म्हणून अकलूज शहर व परिसर संघाने प्रथम क्रमांकाचा चषक पटकावला.
सोलापूर येथील वल्याळ (H P) ग्राउंड कर्णिकनगर येथे या स्पर्धेचे आयोजन करण्यात आले होते.अकलूजच्या फोटोग्राफर संघाने चमकदार कामगिरी करीत हा चषक पटकावला.विशेष म्हणजे अकलूज संघ हा १२० किलोमीटर अंतर कापून सलग चार सामने खेळून चारीही सामने जिंकून त्यांनी सर्वात मोठे यश मिळवले.शेवटी सेमी फायनल व फायनल जिंकून ट्रॉफी आपल्या नावावर केली.या शिवाय ६ मॅन ऑफ द मॅच च्या ट्रॉफी पण मिळवल्या आहेत.ही मेहनत, संघर्ष आणि जिद्दीच्या चिकाटीचे प्रतिक आहे.आपल्या संघाने दाखवलेला संयम,एकतेने आणि खेळाच्या कौशल्यावर आधारित विजय खरचं प्रेरणादायक आहे. खेळात यश मिळवणं म्हणजे केवळ खेळातील विजय नसतो तर त्यासाठी केलेली तयारी,समर्पण आणि धाडस हे सर्व एकत्रितपणे मोलाचे ठरते.आजच्या या विजया मुळे आपल्या संघाला एक नवा आत्मविश्वास आणि नवी प्रेरणा मिळाली आहे असे मत विजेत्या संघाने व्यक्त केले.
फोटोग्राफर वेल्फर असोसिएशन ऑफ सोलापूरच्या वतीने भव्य टेनिस क्रिकेट स्पर्धा आयोजित करण्यात आला होता.या स्पर्धेचा विजेता म्हणून आक्रमक ११ अकलूज संघ प्रथम क्रमांक,आर व्ही फायटर संघ व्दितीय क्रमांक, स्टार युनिटी संघ तृतीय क्रमांक पटकावला आहे.या स्पर्धेसाठी नागेंद्र कलर लॅबचे मालक अरुण गोगी,राजेश कटकदोन,दत्ता महाराज बडगांची, एस के फिल्म असोसिएशनचे अध्यक्ष सुभाष अण्णा सनके,रवींद्र गोगी तिरुपती,वगा देव रंगापुरे श्रीकांत तूम्मा,प्रशांत उडता,योगेश मच्छा,प्रशांत चिंता,मुन्ना वगा यांनी परिश्रम घेतले तर या कार्यक्रमाचे सूत्रसंचालन शंकर पवार यांनी केले यावेळी सोलापूर जिल्ह्यातील सर्व फोटोग्राफर बंधू उपस्थिती होते.
