💢 “ऊस पिकाकरीता आर्थिक समीकरण आणि टेक्निक महत्वाचे”- स्वरूपाराणी मोहिते पाटील 🟢 सहकार महर्षि कारखान्याचे वतीने ऊस पिक परिसंवाद संपन्न

💢 “ऊस पिकाकरीता आर्थिक समीकरण आणि टेक्निक महत्वाचे”- स्वरूपाराणी मोहिते पाटील

🟢 सहकार महर्षि कारखान्याचे वतीने ऊस पिक परिसंवाद संपन्न

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 आकाश भाग्यवंत नायकुडे

मुंबई दिनांक 10/07/2024 :
“भविष्यात शेतीला खूप मोठे महत्त्व येणार आहे तेव्हा आपणास शेतीचे टेक्निक माहित असणे गरजेचे आहे आणि ते टेक्निक आपणाला या परिसंवादा द्वारे मिळत आहे. ऊस पिकाकरीता आर्थिक समीकरण आणि टेक्निक महत्वाचे” असे मत संचालिका स्वरूपाराणी जयसिंह मोहिते पाटील यांनी व्यक्त केले.शंकरनगर-अकलूज (तालुका माळशिरस, जिल्हा सोलापूर, महाराष्ट्र राज्य) येथील सहकार महर्षि शंकरराव मोहिते-पाटील सहकारी साखर कारखान्याचे वतीने कारखान्याचे विभागीय कार्यालय महाळूंग-बोरगांव येथे ऊस पिक परिसंवादाचे आयोजन करणेत आले होते. या परिसंवादाच्या अध्यक्ष स्थानावरून त्या मार्गदर्शनपर बोलत होत्या. बुधवार दिनांक 10 जुलै रोजी संपन्न झालेल्या पीक परिसंवाद कार्यक्रमाच्या प्रारंभी सहकार महर्षि काकासाहेब व आक्कासाहेब यांचे प्रतिमेचे पूजन कार्यक्रमाचे प्रमुख वक्ते वसंतदादा शुगर इन्स्टिट्यूट, मांजरी बु. पुणे चे शास्त्रज्ञ राजाराम यादव व डॉ. समाधान सुरवसे यांचे शुभहस्ते संपन्न झाले. प्रास्ताविक कारखान्याचे कार्यकारी संचालक राजेंद्र केरबा चौगुले यांनी केले.
महाळुंग बोरगाव गट हा माझ्यासाठी लकी आहे माझ्या राजकीय कारकीर्दीची सुरुवात याच गटातून झाली आहे आणि आज पहिल्यांदाच कारखान्याच्या ऊस पिक परिसंवाद व चर्चासत्रात कारखानदारी, शेतकरी, नियोजन, किड नियंत्रण, शेती उत्पादन आणि बाजारपेठ इत्यादी बाबत स्वतंत्रपणे मत व्यक्त करण्याचा योग याच गटातून मिळाल्याचे सांगत मोहिते पाटील पुढे म्हणाल्या की, कारखान्याचे मार्गदर्शक संचालक व महाराष्ट्र राज्याचे माजी उपमुख्यमंत्री विजयसिंह शंकरराव मोहिते-पाटील यांचे कुशल मार्गदर्शनाखाली व चेअरमन जयसिंह शंकरराव मोहिते-पाटील यांचे नेतृत्वाखाली कारखाना प्रगतीपथावर वाटचाल करीत आहे.आजच्या परिस्थितीमध्ये शेतकरी सभासदांचे ऊस उत्पादनात व साखर उता-यामध्ये वाढ होणे महत्वाचे आहे. यासाठी आजच्या परिसंवादामध्ये तज्ञांनी केलेल्या मार्गदर्शनाचा लाभ होईल. आपल्या कारखान्याने ऊस पिकाला अवर्षण परिस्थितीमध्ये सामना करणेसाठी शिवऊर्जा व जैव संजिवके तसेच जमिनीचा पोत सुधारणेसाठी ह्युमिक ॲसिडची निर्मीती केली असून ते “ना नफा ना तोटा” या तत्वावर रास्तदरात सभासदांना उपलब्ध करून दिले जात आहे. याचा सर्व सभासदांनी लाभ घ्यावा असेही आवाहन त्यांनी केले.
ऊस पीक परिसंवादामध्ये ऊस पिकाच्या वाढीसाठी मातीचे आरोग्य आणि संवर्धन याविषयी वसंतदादा शुगर इन्स्टिट्यूट, मांजरी बु. चे शास्त्रज्ञ डॉ.समाधान सुरवसे यांनी सविस्तर मार्गदर्शन केले तसेच ऊस पिकावर येणाऱ्या किड व रोगापासून ऊस पिकाचे संरक्षण व उपाययोजना या विषयी शास्त्रज्ञ राजाराम यादव यांनी मार्गदर्शन केले.
सदर ऊस पिक परिसंवादामुळे एकरी जास्तीत जास्त उत्पादन घेणेकरीता तज्ञांचे अनमोल मार्गदर्शन झाल्याने परिसरातील ऊस उत्पादक शेतकरी, सभासद व बिगर सभासदांकडून समाधान व्यक्त केले जात आहे.
सदर ऊस पिक परिसंवादासाठी कारखान्याचे संचालक लक्ष्मण शिंदे, सतीश शेंडगे, नानासाहेब मुंडफणे, विजयकुमार पवार, विराज निंबाळकर, महादेव क्षिरसागर, भिमराव काळे, सुभाष कटके, रामचंद्र ठवरे, तज्ञ संचालक – प्रकाशराव पाटील, रामचंद्रराव सावंत- पाटील, संचालिका सुजाता शिंदे, कार्यलक्षी संचालक रणजित रणनवरे व शिवसृष्टी किल्ला व शिवछत्रपती मल्टिमेडीया लेजर शो कमिटी संचालक पांडूरंग एकतपुरे, बाळासाहेब माने-देशमुख, दत्तात्रय चव्हाण, विनायक केचे, राजेंद्र भोसले, अमृतराज माने – देशमुख, नामदेव चव्हाण, धनंजय दुपडे, श्रीकांत बोडके तसेच महाळूंग – बोरगाव परिसरातील ऊस उत्पादक शेतकरी, सभासद, बिगर सभासद मोठ्या संख्येने उपस्थीत होते.