🟨 महाळुंगच्या यमाईदेवी प्रांगणात दांडिया महोत्सव जल्लोषात संपन्न 🟦 दांडिया महोत्सवात ग्रामस्थ, भाविक भक्तांनी केला बक्षीसांचा वर्षाव

🟨 महाळुंगच्या यमाईदेवी प्रांगणात दांडिया महोत्सव
जल्लोषात संपन्न

🟦 दांडिया महोत्सवात ग्रामस्थ, भाविक भक्तांनी केला बक्षीसांचा वर्षाव

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra State, India.
Mo. 9860959764.

🔰 आकाश भाग्यवंत नायकुडे

अकलूज दिनांक 22/10/2023 : माळशिरस तालुक्यातील सुप्रसिद्ध पुरातन आराध्य यमाईदेवीच्या प्रांगणामध्ये शारदीय नवरात्र उत्सवानिमित्त भव्य स्वरूपात दांडिया महोत्सव जल्लोशात संपन्न झाला. नवरात्रीच्या ९ दिवसात महाळुंग यमाईदेवी मातेच्या ९ रुपांची भक्तिभावाने पुजा करुन उत्साहपूर्ण वातावरणात महाळुंग मध्ये नवरात्रोत्सव मोठ्या आनंदात सुरू आहे. देवीची नित्यपूजा, छबिना, त्याचबरोबर सर्व भाविक भक्तांचे लक्ष वेधक दांडिया महोत्सवात विविध रंगांच्या प्रकाश झोतामध्ये दांडिया रास आणि गरबांच्या पारंपारिक वेशभूषेत नटलेल्या महिला मुली यांच्या खेळाकडे भाविक भक्तांनी, ग्रामस्थांनी लक्ष वेधले. दांडिया नृत्याविष्कारात दंग झालेले खेळाडू आणि भारावलेले प्रेक्षक यामुळे या वर्षाची सायंकाळ अविस्मरणीय ठरली. महिला व मुलींनी मोठ्या संख्येने दांडिया महोत्सवा मध्ये सहभाग नोंदविला होता.

कार्यक्रमाचा शुभारंभ अकलूज पोलीस स्टेशनच्या पीएसआय स्वाती सुरवसे, एस आय टी च्या पीएसआय तृप्ती भिसे, नगराध्यक्षा लक्ष्मी चव्हाण, नगरसेविका शारदा पाटील, नगरसेविका जोष्ना सावंत-पाटील, नगरसेविकास सविता रेडे, नगरसेविका तेजश्री लाटे, शहीद निवृत्ती जाधव प्रतिष्ठानच्या अध्यक्षा वीरपत्नी सुरेखा जाधव, उपाध्यक्षा सविता नाईकनवरे, सचिव सारिका नाईकनवरे, गायत्री पाटील, दिपाली पाटील, ईसरकर यांच्या शुभहस्ते दांडिया पूजनाने दांडिया महोत्सवाचे उद्घाटन करण्यात आले. गृहिणी, सामाजिक, राजकीय, पोलीस प्रशासनातील व शालेय विद्यार्थिनींनी यामध्ये सक्रिय सहभाग घेऊन गाणी आणि संगीताच्या तालावर दांडियाचा ठेका धरला. महाळुंग यमाईदेवीच्या प्रांगणामध्ये सर्व महिलांनी व मुलींनी दांडीयाचा खेळ खेळून मनसोक्तआनंद लुटत देवीचा जागर केला. खेळासाठी ग्रामस्थांनी व भाविक भक्तांनी बक्षीसे देऊन समाधान व्यक्त केले.
यावेळी नगरसेवक गटनेते राहुल रेडे, नामदेव पाटील, रावसाहेब सावंत-पाटील, शिवाजी रेडे, मौला पठाण, पैलवान अशोक चव्हाण, प्रशिक्षक हेमंत पाटील, सुनील गवळी, अंजली गवळी, दिपाली पाटील, प्रेरणा जाधव, प्रशिक्षिका अंजली माने, शिरीष खोत , सागर पाटील, कापरे , मिसाळ, रवींद्र नाईकनवरे, धर्मेश जाधव, रोहित पाटील, आबा कांबळे, संपादक दत्ता नाईकनवरे, विष्णुपंत रेडे, आबा चव्हाण, आदी मान्यवर उपस्थित होते. कार्यक्रमाचे आयोजन नगरसेविका शारदा नामदेव पाटील, राष्ट्रवादी काँग्रेस पार्टी महाळुंग-श्रीपूर, शहीद निवृत्ती जाधव प्रतिष्ठान व बहुउद्देशीय संस्था, कर्तव्य सामाजिक सेवाभावी संस्था, श्री चंद्रशेखर विद्यालय व नारायणकाका आगाशे कनिष्ठ महाविद्यालय, श्रीपूर यांनी केले होते.