✳️ “संयुक्त शेतकरी शेतमजूर कामगार हक्क समिती”ची स्थापना
अकलूज वैभव न्यूज नेटवर्क
आकाश भाग्यवंत नायकुडे
मुंबई दिनांक 27/8/2025 : मंगळवार दि. 26 ऑगस्ट2025 रोजी छत्रपती संभाजीनगर येथे राज्यस्तरीय शेतकरी हक्क बैठक संपन्न झाली. निवडणुकीच्या जाहीरनाम्यात दिलेले आश्वासन शेतकरी कर्जमाफी आणि MSP च्या भावावर २०% हमीभाव याबाबत शासनाने निर्णय घेण्यास करत असलेले विलंब आणि त्याचा शेतकरी व त्याच्या कुटुंबावर होणारे परिणाम यामुळे शेतकरी देशोधडीला लागला असून, त्याला न्याय मिळून देण्यासाठी छत्रपती संभाजीनगर येथे शेतकरी हक्क परिषद बैठक बच्चू भाऊ कडू यांच्या नेतृत्वाखाली संपन्न झाली. याबैठकीत प्रमुख विषयावर चर्चा करुन खालील निर्णय घेण्यात आले.
१) दि. २८ ऑक्टोबर २०२५ रोजी मुंबई मध्ये संयुक्त शेतकरी शेतमजूर कामगार हक्क समिती च्या वतीने मुंबई मंत्रालय येथे आंदोलन करण्यात येणार. २) राज्यात विभाग, जिल्हा निहाय संयुक्त शेतकरी शेतमजूर हक्क परिषद घेण्यात येणार.३) संयुक्त समितीच्या वतीने उच्च अभ्यास गट स्थापन करण्यात येणार.४) शेतकरी-शेतमजूर हक्क समिती स्थापन करण्यात आली आहे. ५) शेतकरी कर्जमुक्ती, सर्व प्रकारच्या शेतमालाला बेसरेट MSP , बोगस खते व बियाणे व शेतमजूर, ऊस उत्पादक कल्याण महामंडळ, कृषी किंमत न्यायाधीकरण स्थापन करणे, सर्व कृषीनिविष्ठा GST मुकत करणे आणि गावपातळीवर पीकविमायोजना व टेस्टिंग लॅब स्थापन करने.
ई. प्रमुख मागण्यासह निर्णय घेऊन लढा देण्याचा निर्णय झाला.
वरील प्रमुख निर्णयासह हा लढा अधिक व्यापक करण्याचा निर्धार या बैठकीत घेण्यात आला असून, आजच्या बैठकीला विजय जावंधिया, बच्चू कडू, महादेव जानकर, अजित नवले, कैलास पाटील,विठ्ठलराजे पवार, अनिल घनवट, प्रकाश पोहरे, प्रशांत डिक्कर, विजय कुंभार, काशिनाथ जाधव,व इतर समविचारी शेतकरी संघटना या बैठकीस उपस्थित होते. तसेच राजू शेट्टी आणि राजेश टोपे यांनी ऑनलाइन द्वारे बैठकीस उपस्थिती दर्शविली अशी माहिती समितीचे निमंत्रक सदस्य विठ्ठल राजे पवार (अध्यक्ष तथा राष्ट्रीय निमंत्रक, शरद जोशी विचारमंच शेतकरी कामगार महासंघ फाउंडेशन महाराष्ट्र राज्य) यांनी अकलूज वैभव न्यूज नेटवर्क आणि वृत्त एकसत्ता न्यूज ला सांगितली.
