🟣जलजीवन मिशन योजनेला गती देवुन पाणीपुरवठा योजना सौर उर्जेवर कार्यन्वित करण्यासाठी विशेष तरतुद करावी. 🔵आ.रणजितसिंह मोहिते-पाटील यांचा विधानपरिषदेत प्रश्न

🟣जलजीवन मिशन योजनेला गती देवुन पाणीपुरवठा योजना सौर उर्जेवर कार्यन्वित करण्यासाठी विशेष तरतुद करावी.

🔵आ.रणजितसिंह मोहिते-पाटील यांचा विधानपरिषदेत प्रश्न

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

(आकाश भाग्यवंत नायकुडे)

मुंबई दिनांक 3/8/2023 :
सोलापुर जिल्ह्यात जलजीवन मिशन योजने अंतर्गत ८५५ गावांचा आराखडा मंजुर झालेला आहे त्या अनुषंगाने विधिमंडळाच्या पावसाळी अधिवेशनात विधान परिषदेत आ.रणजितसिंह मोहिते पाटील यांनी देशाचे लाडके पंतप्रधान नरेंद्र मोदीजी यांच्या ‘हर घर नल से जल’ या महत्वाकांक्षी योजनेतून ग्रामीण भागात प्रत्येक घरात पाणी पोहचविण्याचे उद्दिष्ट साध्य करण्यासाठी सोलापूर जिल्ह्यात २०२४ पर्यंत ७५ हजार नळ जोडणीचे ठेवण्यात आलेले उद्दिष्ट पुर्ण करण्यासाठी जलजीवन मिशन योजनेतील कामांना गती देण्याची मागणी केली.
आ.मोहिते-पाटील यांच्या प्रश्नावर सरकारकडून पाणीपुरवठामंत्री गुलाबराव पाटील यांनी उत्तर देताना सांगितले कि, सोलापूर जिल्ह्यातील ग्रामीण भागात सन २०२३ – २४ या वर्षात ७५३१४ कुटुंबांना नळ जोडणी देण्याचे उद्दिष्ट आहे. दिनांक १०/०७/२०२३ अखेर १६०९१ इतक्या नळ जोडण्या देण्यात आल्या आहेत. डिसेंबर, २०२३ अखेर प्रगतीपथावरील ८५५ पाणीपुरवठा योजना मधील नळ जोडण्या देऊन उद्दिष्ट पूर्ण करण्याचे नियोजन आहे.
तसेच सदरील उद्दिष्ट साध्य करण्यासाठी तालुकास्तरावरील गट विकास अधिकारी व उप मुख्य कार्यकारी अधिकारी, पाणीपुरवठा व स्वच्छता यांचे अध्यक्षतेखाली तालुका स्तरावर प्रत्येक सोमवारी बैठकीचे नियोजन केलेले असून, पंचायत स्तरावरील बीआरसी व सीआरसी तसेच ग्रामपंचायत स्तरावरील कर्मचारी यांच्याही बैठका घेवून जल जीवन मिशन अंतर्गत कामे पूर्ण करणे व नळ जोडणी पूर्ण करणेबाबत नियोजन केलेले असल्याचे मंत्री गुलाबराव पाटील यांनी सांगितले.
आ. मोहिते पाटील यांनी सौरऊर्जेच्या वापरासाठी केंद्र सरकार आणि राज्य सरकार प्रोत्साहन देत आहे.जलजीवन मिशन अंतर्गत राबविण्यात येणाऱ्या पाणीपुरवठ्याच्या योजना सौर ऊर्जेवर कार्यान्वित करण्याचे शासनाचे धोरण आहे. सोलापूर जिल्ह्यातील जलजीवन मिशन अंतर्गत येणाऱ्या प्रत्येक पाणीपुरवठा योजनेस सौर वीजनिर्मिती यंत्रणा बसविण्याची योजनेच्या अंदाजपत्रकात तरतुद करण्यात यावी तसेच कुसुम योजनेस जलजीवन योजना जोडण्यात आल्यास शेतकऱ्यांचा फायदा होईल याबाबत शासनाचे धोरण ठरवण्याची मागणी केली
यावर बालताना मंत्री गुलाबराव पाटील यांनी आमदार मोहिते पाटील यांच्या मागणीनुसार सोलापुर जिल्ह्यात ज्या ठिकाणी शक्य आहे त्या ठिकाणी जलजीवन मिशन अंतर्गतच्या पाणीपुरवठा योजनांसाठी सौर उर्जा प्रकल्प उभारण्यात येतील असे सांगितले.
त्याच प्रमाणे आ.मोहिते पाटील यांनी सोलापुर जिल्ह्यातील जलजीवन अंतर्गतच्या ८५५ मंजुर कामाव्यतिरिक्त नळजोडणीच्या ३४७ मंजुर कामांपैकी गावच्या गरजेनुसार व गुणवत्ता पूर्ण काम होण्यासाठी काही कामांची अंमलबजावणी ग्रामपंचायत स्तरावर देण्याची ही विनंती केली आहे.