🟩 “शिक्षक आणि पालक यांनी एकत्र येऊन प्रयत्न केले तरच मराठी शाळा टिकतील”- संजय वाघमोडे

Chief Editor10/08/2025Last Updated: 10/08/2025

144 1 minute read

अकलूज वैभव न्यूज नेटवर्क
आकाश भाग्यवंत नायकुडे.
मुंबई दिनांक 9/8/2025 : शिक्षक आणि पालक यांनी एकत्र येऊन प्रयत्न केले तरच ग्रामीण भागातील व दुर्गम भागातील शाळा टिकतील असे मत संजय वाघमोडे यांनी व्यक्त केले ते वासनोली येथे एक वही समाज बांधवांसाठी दर्यापूरर्थ राहणाऱ्या समाज बांधवांच्या मुलांसाठी या उपक्रमांतर्गत लोकसहभागातून जमा झालेले शैक्षणिक साहित्य वाटप कार्यक्रमात बोलत होते. विठ्ठल येडगे, सगु कात्रुट हे प्रमुख उपस्थित होते.
भुदरगड तालुक्यातील तांबाळेश्वर हायस्कूल तांबाळे, वि.म. तांबाळे , वि.म वासनोली वि.म जोगेवाडी वि.म फये तसेच गिरगाव धनगरवाड्यासह अन्य शाळेतील २०० विद्यार्थ्याना यशवंत क्रांती संघटनेच्या माध्यमातून एक वही समाजबांधवांसाठी उपक्रमांर्तगत गरीब- गरजू विद्यार्थ्यांना मोफत शालेय साहित्य वाटप करण्यात आले.
संजय वाघमोडे बोलताना पुढे म्हणाले कि दुर्गम डोंगराळ भागातील धनगर समाजातील विद्यार्थ्यांना शिक्षणासाठी प्रेरणा मिळावी, व केवळ आर्थिक परिस्थिती नाही म्हणून विद्यार्थ्यांना आपले शिक्षण अर्धवट सोडावे लागु नये या उद्देशानं एक नाविन्यपूर्ण उपक्रम सुरू केला. एक वही समाजबांधवांसाठी, दर्‍या खोर्‍यात राहणार्‍या समाज बांधवांच्या मुलांसाठी हा उपक्रम गेल्या दहा वर्षांपासून सुरू आहे. दरवर्षी सुमारे दोन हजार विद्यार्थ्यांना 12 हजार वह्या मोफत दिल्या जातात…
भविष्यात एखादा आयएएस किंवा आयपीएस घडावा हेच स्वप्न असल्याचे सांगितले.
यशवंत क्रांती संघटना संस्थापक अध्यक्ष संजय वाघमोडे यांनी सुरू केलेला उपक्रम स्तुत्य असून गेल्या १० वर्षांपासून डोंगर दर्‍यातील दुर्गम भागात राहणाऱ्या वाड्यावस्तीरील समाजातील गरीब, गरजू विद्यार्थ्यांना कंपास पेटी, पेन, वह्या आणि इतर शालेय साहित्य देण्यात येतं. असल्याचे मुख्याध्यापक सुनील पोवार यांनी सांगितले.
या कार्यक्रमाचे स्वागत प्रस्ताविक राकेश भोई यांनी केले कार्यक्रमास भुदरगड तालुका यशवंत क्रांती संघटना, अध्यक्ष विठ्ठल येडगे, पंचायत समितीचे सतिश पाटील, एकनाथ पाटील , शिवाजी पाटील प्रविण पार्टे, , प्रकाश देसाई ,एम एस पाटील ,प्रभजन बेळणेकर याच्यासह विद्यार्थी उपस्थित होते. आभार विजय आदित्य यांनी मानले.