💢 मनाची शुद्धता

💢 मनाची शुद्धता

अकलूज वैभव न्यूज नेटवर्क 
वृत्त एकसत्ता न्यूज
संकलक :आकाश भाग्यवंत नायकुडे
मुंबई दिनांक 31/7/2025 : अहंकार, मग तो कोणत्याही गोष्टीचा का असेना, पद, पैसे, रूप, विद्या, सत्ता, कला… केव्हाही वाईटच. मी आणि मीच म्हणजे सर्वकाही आणि इतरांनी माझ्या भोवतीने, माझ्याच तालावर नाचले पाहिजे; हा दुराग्रह माणूस म्हणून तुमची किंमत शून्य करत जातो.
तुम्ही कसे दिसता या पेक्षा तुम्ही कसे असता हे जास्त महत्त्वाचे असते. गंमत म्हणजे ज्या गोष्टीचा अहंकार बाळगला जातो त्या सर्व क्षणभंगुर आहेत. एकदा त्या तुमच्या हातातून निसटल्या की कधी काळी तुम्हाला मान-आदर दिल्याचा दिखावा करणारी मंडळी तुमच्या आजपास देखील भटकत नाहीत.
याउलट नम्र आणि संवेदनशील वर्तणुकीने तुम्ही इतरांच्या मनात अढळ स्थान निर्माण करू शकता. अश्या वागणुकीने कमावलेली माणसे, नाती हीच खरी संपत्ती.
आजचा संकल्प
आपल्या नम्र आणि संवेदनशील वर्तणुकीने माणसे जोडू. आपल्यामुळे जाणते अजाणतेपणी कोणीच दुखावले जाणार नाही याची काळजी घेऊ._
सौ. स्नेहलता स. जगताप