💢 अटृल लँड माफिया विरुद्ध सुधारीत एफआयआर दाखल करण्याची पुणे पोलीस अधीक्षक गिल यांच्याकडे मागणी.

💢 अटृल लँड माफिया विरुद्ध सुधारीत एफआयआर दाखल करण्याची पुणे पोलीस अधीक्षक गिल यांच्याकडे मागणी.

🟣 शिरूर रांजणगाव पोलीस हद्दीतील लँड माफिया फरार आरोपी सागर पाचर्णे, तसेच अनिल उर्फ किसन लक्ष्मण नवले, ऊल्हास आडेकर, अक्षय पाचर्णे, संतोष गर्जे या लँड माफिया विरुद्ध सुधारीत एफआयआर दाखल करण्याची पुणे पोलीस अधीक्षक गिल यांच्याकडे खरेदीदस्त व वाटणी पत्राच्या पुराव्यासह तक्रार अर्ज देऊन मागणी केली आहे
🔵 गोरगरीब कष्टकरी कामगारांना घर बांधण्यासाठी जागा देतो म्हणून ३३ लाख रुपये हून अधिकची आर्थिक फसवणूक प्रकरणी पाच जणांविरुद्ध पोलीस अधीक्षक पुणे ग्रामीण यांच्याकडे तक्रार दाखल केली असल्याची माहिती संघटनेने दिली आहे. याप्रकरणी, पुणे पोलीस अधीक्षक गिल यांचे थेट रांजणगाव पोलीस स्टेशन पी आय यांना तात्काळ एफ आय आर दाखल करुन कारवाईचे आदेश., विठ्ठल राजे पवार यांची माहिती

अकलूज वैभव न्यूज नेटवर्क 
वृत्त एकसत्ता न्यूज
पुणे/प्रतिनिधी दि.22/7/2025 :
पुणे जिल्ह्याच्या शिरूर दौंड आंबेगाव राजगुरुनगर हवेली तसेच पुणे जिल्ह्याच्या शहर भागांमध्ये गोरगरीब कष्टकरी कामगार यांना हेरून त्यांच्याकडून त्यांना जमीन देतो अशा जाहिराती करून फसवण्याचे पेव पुणे जिल्ह्यात उठलेले असून जिकडे बघल तिकडे जाहिरातीचे जाळ पसरलेल आहे. राज्य सरकार आणि महसूल विभागाचे शेती मधील जागा विक्रीस बंधने आहेत असे असताना देखील खोटी आश्वासन देत गोरगरीब कष्टकरी कामगार यांची अति आर्थिक फसवणूक होत असल्याच्या घटना अनेक घडत आहेत. अशीच घटना रांजणगाव पोलीस स्टेशनच्या हद्दीमध्ये कारेगाव येथे घडलेली असून या ठिकाणी सुमारे 40 हून अधिक लोकांना 101 फ्लॅट विक्रीचे आमिष दाखवून त्यांच्याकडून लाखो रुपये उकळून खरेदी खत करून देखील त्यांना जागेचा ताबा दिलेला नाही. याप्रकरणी सर्व संबंधित कष्टकरी कामगार यांनी शरद जोशी विचारमंच शेतकरी कष्टकरी कामगार एम एस फाउंडेशन भारत सरकार मान्यता प्राप्त शेतकरी संघटना महासंघाकडे लेखी तक्रार अर्ज केला होता. त्यानुसार संघटनेने माननीय तत्कालीन पोलीस अधीक्षक पुणे ग्रामीण यांच्याकडे लेखी तक्रार डिसेंबर 20 24 मध्ये केलेली होती. त्याप्रमाणे रांजणगाव पोलीस स्टेशन मध्ये 4/12/20 24 रोजी 661 अन्वये 420, 34 प्रमाणे भारतीय दंड संहिता अन्वये सागर मगन पाचर्णे, अक्षय दत्तात्रय पाचर्णे, संतोष रघुनाथ गर्जे, अनिल उर्फ किसन लक्ष्मण नवले, उल्हास शिवाजी आडेकर यांच्या विरुद्ध एफ आय आर दाखल झालेला असताना त्या ठिकाणी पाच पैकी दोन आरोपींनी जामीन कसा मिळाला.? यातील लँड माफिया अट्टल गुन्हेगार सागर मगन पाचर्णे हा आरोपी गेल्या आठ नऊ महिन्यांपासून फरार आहे तर अनिल उर्फ किसन लक्ष्मण नवले व उल्हास शिवाजी आडेकर या दोघांवर रांजणगाव पोलिसांनी कोणतीही कारवाई का केली नाही .? त्यांमुळे शेतकरी घटनेने विद्यमान पोलीस अधीक्षक पुणे ग्रामीण गिल साहेब यांच्याकडे दिनांक २१ जुलै २०२५:रोजी लेखी तक्रार करून संबंधित पाचही आरोपींवर सर्वसामान्य कष्टकरी कामगार यांची आर्थिक फसवणूक जमिनीचे खरेदी खत व ताबा असूनही त्यांना जमीन न देणे धमकवणे आर्थिक फसवणूक करणे या प्रकरणी सामूहिक आर्थिक गुन्हेगारी धमकी देणे जागा बळकवणे किंवा मोकांतर्गत अंतर्गत सुधारित एफआयआर दाखल करून कठोर कारवाई करण्याची मागणी केलेली आहे.
याबाबत सागर पाचर्णे, अक्षय पाचर्णे, संतोष गरजे तसेच अनिल उर्फ किसन लक्ष्मण नवले आणि उल्हास शिवाजी आडेकर यांनी एकत्रित मिळून कारेगावचे आसपास मौजे बाभूळ सर खुर्द येथील गट नंबर 478 याशी क्षेत्र 2 हेक्टर 87 आर मध्ये प्लॉटिंग करून सुमारे 101 प्लॉट त्या ठिकाणी केलेले आहेत. त्या ठिकाणी संबंधित तक्रारदार यांना प्लॉट देऊन त्या ठिकाणी त्या प्लॉटचे नंबर व खरेदी दस्तऐवज त्यांच्या नावे केल्याचे देखील पुरावे संघटनेने ग्रामीण पोलीस अधीक्षक तसेच रांजणगाव पोलीस स्टेशनचे पीआय वाघमोडे यांना दिलेल्या आहेत सर्व पुरावे असताना त्यामध्ये संबंधित आरोपींनी कष्टकरी कामगार तक्रारदार यांना तळेगाव ढमढेरे येथील दुय्यम निबंधक कार्यालयामध्ये खरेदीखत देखील करून दिलेले आहे. सदरचे खरेदीखत खोटे असेल तर संबंधित पाचही आरोपींनी शासनाची देखील फसवणूक केली आहे हे सिद्ध होते. असे असताना रांजणगाव पोलीस स्टेशनचे पोलीस इन्स्पेक्टर यांनी अनिल उर्फ किसन लक्ष्मण नवले तसेच उल्हास शिवाजी आडेकर यांच्यावर का कारवाई केलेली नाही असा प्रश्न पडतो. अनिल उर्फ किसन लक्ष्मण नवले तसेच उल्हास शिवाजी आडेकर यांनी संबंधित 101 प्लॉटिंगचे ठिकाणी सध्या विक्री केलेल्या प्लॉटवर कलर मारून त्या ठिकाणचे प्लॉटवरील नावे हटवलेली आहेत. म्हणजेच संबंधितांनी पुरावे नष्ट करण्याचा देखील प्रयत्न केलेला आहे. संबंधित हे लँडमाफिया मधील अटल गुन्हेगार असून संबंधितांवर गोरगरीब कष्टकरी कामगार यांची आर्थिक फसवणूक त्यांना धमकी देणे तसेच जमिनी बळकवणे बाबत मोका अंतर्गत कारवाई करण्याची मागणी संघटनेने पुणे ग्रामीण अधीक्षक गिल यांच्याकडे केलेली आहे. सदर बाबतचे निवेदन महाराष्ट्र राज्याचे गृहमंत्री मुख्यमंत्री तसेच पुणे जिल्ह्याचे पालकमंत्री महसूल मंत्री विभागीय पुणे जिल्हाधिकारी, तहसीलदार शिरूर, पोलीस पी आय रांजणगाव यांच्याकडे लेखी पुराव्यासह तक्रार अर्ज निवेदन सादर केलेले आहे. यावेळी संघटनेचे जिल्हाध्यक्ष बाळासाहेब वर्पे, अनिल भांडवलकर, दीपक सपाटे, बजरंग कवले, चंद्रकला सूर्यवंशी, प्रकाश सूर्यवंशी, दीपक परिवार, भीमराव जाधव, समाधान पांडुरंग चव्हाण, गणपत आडे, परशुराम जाधव, संतोष गायकवाड आदी कष्टकरी कामगार उपस्थित होते अशी माहिती संघटनेचे राष्ट्रीय अध्यक्ष तथा निमंत्रक विठ्ठल राजे पवार यांनी प्रसिद्धी पत्रकात दिली आहे.

पुणे ग्रामीण पोलीस अधीक्षक गिल यांच्या सोबत चर्चा करताना व संघटनेच्या वतीने दोन तक्रार अर्ज निवेदन देतांना शरद जोशी विचारमंच शेतकरी कष्टकरी कामगार एम एस फाउंडेशन, भारत सरकार मान्यता प्राप्त शेतकरी संघटना महासंघाचे राष्ट्रीय अध्यक्ष विठ्ठल राजे पवार, बजरंग कवले संतोष गायकवाड, संघटनेचे पदाधिकारी, कष्टकरी कामगार.