🟢केर्लीत मेंढपाळांना वन विभागाकडून रु.32 हजार भरपाई 🟡मेंढपाळांतर्फे संस्थापक अध्यक्ष संजय वाघमोडे यांचा सत्कार

Chief Editor22/01/2024Last Updated: 22/01/2024

167 1 minute read

🟢केर्लीत मेंढपाळांना वन विभागाकडून रु.32 हजार भरपाई

🟡मेंढपाळांतर्फे संस्थापक अध्यक्ष संजय वाघमोडे यांचा सत्कार

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.

अकलूज दिनांक 22/01/2024 :
यशवंत क्रांती संघटनेच्या प्रयत्नांमुळे केर्ली येथील मेंढपाळांना वन विभागाकडून नुकसान भरपाई पोटी ३२ हजार रुपये देण्यात आले. मेंढपाळांच्या मेंढरांचा तळ रानात बसायला असताना मार्च महिन्यात वन्य प्राण्यांनी त्यावर हल्ला केला होता. त्यामध्ये सुरज माने यांची ९ व जगन्नाथ केरबा माने यांची ४ पिल्ली ठार झाली होती.या हल्ल्याची माहिती यशवंत क्रांती संघटनेचे बाबासो माने यांनी संघटनेचे संस्थापक अध्यक्ष संजय वाघमोडे यांना सांगितल्याने त्यांनी पशुसंवर्धन अधिकारी व करवीर परिक्षेत्रातील वन अधिकारी यांना कळवून घटनास्थळाचा रीतसर पंचनामा करून घेतला. त्यांच्या सततच्या पाठपुराव्याने सुरज लक्ष्मण माने यांना २१ हजार ५०० रुपये व जगन्नाथ केरबा माने यांना १० हजार ५०० रुपये नुकसान भरपाई पोटी वन विभागाकडून देण्यात आले. नुकसान भरपाई मिळण्यासाठी वनविभाग करवीर परिक्षेत्र व पशुसंवर्धन अधिकारी, यशवंत क्रांती संघटनेच्या केर्ली शाखेचे सर्व पदाधिकारी यांचे सहकार्य मिळाले. बाबासो बाळू माने, केरबा कृष्णात माने, सागर रामचंद्र माने, सुरज लक्ष्मण माने, यांनी यशवंत क्रांती संघटनेचे संस्थापक अध्यक्ष संजय वाघमोडे यांच्या घरी जाऊन नुकसान भरपाई मिळण्यासाठी सहकार्य केले बद्दल शाल श्रीफळ देऊन सत्कार केला. यावेळी क्रांती संघटनेचे केर्ली शाखेचे पदाधिकारी, बाळासो कोळेकर करवीर तालुकाध्यक्ष, सचिन लांडगे जिल्हा संघटक कोल्हापूर, निवास हजारे करवीर तालुका युवक अध्यक्ष,अतुल धनगर पन्हाळा तालुका युवक अध्यक्ष तसेच करवीर तालुक्यातील यशवंत क्रांती संघटनेचे सर्व पदाधिकारी उपस्थित होते.