🟣आसवानी व इथेनॉल प्रकल्पाच्या उद्घाटना सोबत अशोक स.सा.का,श्रीरामपूरचे सभासद व उस उत्पादकांच्या समस्या जाणून घ्या 🟢शरद जोशी विचारमंच शेतकरी संघटनेचे विठ्ठल राजे पवार यांचे नामदार नितीनजी गडकरींना निवेदन.

🟣आसवानी व इथेनॉल प्रकल्पाच्या उद्घाटना सोबत अशोक स.सा.का,श्रीरामपूरचे सभासद व उस उत्पादकांच्या समस्या जाणून घ्या.

🟢शरद जोशी विचारमंच शेतकरी संघटनेचे विठ्ठल राजे पवार यांचे नामदार नितीनजी गडकरींना निवेदन.

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.

अकलूज दिनांक 25/02/2024 :
मा.नामदार नितीन गडकरी साहेब आपण दि. २६/२/२०२४ रोजी श्रीरामपूर तालुका जिल्हा अहमदनगर दौऱ्यावर येत असल्याचे समजते. आपण केंद्रीय मंत्री मंडळातील अतिशय कार्यक्षम व कर्तव्यदक्ष मंत्री आहात याचा महाराष्ट्र राज्यातील शेतकरी कष्टकरी व सर्वसामान्यांना अभिमान आहे, तसेच आपण श्रीरामपूर दौऱ्यावर येणे ही बाब दूध, ऊस उत्पादक शेतकरी कष्टकऱ्यांसाठी व श्रीरामपूर तालुका तसेच अहमदनगर जिल्ह्यातील ऊस उत्पादक शेतकऱ्यांसाठी अतिशय आनंददायी घटना असेल. आपल्या येण्याबद्दल शरद जोशी विचारमंच शेतकरी संघटनेचा अध्यक्ष तथा राष्ट्रीय निमंत्रक, तसेच मा. ऊस नियंत्रण मंडळ सदस्य महाराष्ट्र राज्य या नात्याने आपलं मनपुर्वक स्वागत.
परंतू आदरणीय महोदय अशोक सहकारी साखर कारखान्याच्या नेतृत्वाच्या आमंत्रणावरून आपण अद्याप अपूर्ण असलेल्या असवणी व इथेनॉल प्रकल्पांच्या उ‌द्घाटनासाठी येत आहात असे समजले, व आपली उपस्थिती यजमान भ्रष्टाचारी नेतृत्वाला प्रतिष्ठा देणारी असणार आहे!परंतु आपणास या कार्यक्रमापूर्वी अशोक सहकारी साखर कारखाना श्रीरामपूर च्या कार्यक्षेत्रातील सभासद व ऊस उत्पादक शेतकऱ्यांच्या व्यथा माहीत असाव्यात “पश्चिम महाराष्ट्रातील चांगल्या कारखान्यांच्या तुलनेत ‘अशोक’ चा साखर उत्पादन खर्च कन्वर्जन काॅस्ट ( conversion cost) किमान दुप्पट आहे.?,, देशाचे ज्येष्ठ नेते ज्या माळेगाव सहकारी साखर कारखान्याचे सभासद आहेत त्या “बारामतीच्या माळेगाव कारखान्याचा साखर उत्पादन प्रक्रिया खर्च प्रती क्विंटल १३५० रुपये असताना! “अशोक’चा उत्पादन खर्च २२४८ ते २२९७ रुपये इतका आहे…?? यावरून अशोक सहकारी साखर कारखान्यामध्ये भ्रष्टाचार किती मोठ्या प्रमाणावर बोकाळला आहे हे सिद्ध होते, म्हणून संघटनेने मागील काही वर्षात झालेल्या शंभर कोटी रुपयांच्या घोटाळ्याबाबत चौकशी करण्याची मागणी गेल्या पाच वर्षांपासून केलेली आहे तीही प्रलंबित आहे एवढे आपले साखर आयुक्तालय व प्रशासन जागृतपणे काम करत आहे.
कदाचित देशातील साखर कारखानदारां पैकी एकमेव चार्टर्ड अकाऊंटंट असणाऱ्या या कारखान्याचे विश्वस्ताने आपले शिक्षण व आपला ३७ वर्षांचा प्रदीर्घ अनुभव शेतकऱ्यांना व सहकारी संस्था लुटीत खर्ची केला आहे, अशोक सहकारीत झालेल्या १०० करोडहून अधिक रुपयाच्या घोटाळ्या बाबत शरद जोशी विचारमंच शेतकरी संघटनेने साखर कारखान्यामध्ये झालेल्या १०० कोटी रुपयांच्या घोटाळ्याची चौकशीची मागणी 2018-19 पासून पुराव्यासह केलेली ती अद्याप सुरू आहे, एवढे आपले महाराष्ट्र राज्यातील साखर आयुक्तालय प्रशासन कार्यक्षम आहे.! आणि मागील कित्येक वर्षात अशोक कारखान्याला ‘अ, ऑडिट वर्ग मिळवता आला नाही.?? अहमदनगर जिल्ह्यातील इतर कारखान्यांच्या तुलनेत ऊसाला अत्यंत कमी दर देणारा कारखाना म्हणून अशोक सहकारी साखर कारखाना प्रसिद्ध आहे. इतर कारखाने ३००० रू पेक्षा अधिक प्रती टन पहिली उचल देत असताना ‘अशोक’ ने केवळ २७०० रु दर जाहीर केला आहे तोही पेंडींग आहे. एफ.आर.पी म्हणजे उसाच्या किमती व्यतिरिक्त इतर उत्पादनांचा एक रुपयाही आजपर्यंत अशोकचे ऊस उत्पादक सभासदांना का मिळालेला नाही.?
“आपण ज्या प्रकल्पांचे उ‌द्घाटन करण्यासाठी येत आहात त्याचाही फायदा शेतकऱ्यांना कितपत होईल याची खात्री नाही. केवळ सुमारे ४५० कोटी रुपयांचे कर्ज सभासदांच्या माथी मारण्याचे पाप अशोकचे यजमान चेअमन संचालक मंडळने केले आहे. हंगाम संपण्याचा कालावधी जवळ आलेला असताना अजूनही शेतकऱ्यांचा ऊस शेतात उभा आहे. सुमारे ९ लाख टन ऊसा पैकी केवळ ४.२० लाख टन गाळप झाले आहे.? आणि चालू एफआरपी ही थकीत आहे. तसेच शिल्लक ऊस असून पाण्याअभावी त्या उसाचे नुकसान होण्याच्या मार्गावर आहे. केंद्र सरकारच्या शुगर केन कंट्रोल ऑर्डर १९६६चे कायद्यानुसार १४ दिवसाच्या आत उसाचा मोबदला एफआरपी देणे बंधनकारक असताना दोन दोन महिने उसाची देयके दिली जात नाहीत.? देयके वेळेत न दिल्यास त्यावर १५% व्याज देणे बंधनकारक असताना आजपर्यंत कुठल्याही प्रकारचे व्याज का दिले गेले नाही.? ज्या कामगारांच्या कष्टावर हा कारखाना चालतो त्या अशोक च्या कामगारांना ७ महिन्यांपासून पगार का दिले नाहीत.?
आदरणीय महोदय कार्यक्षेत्रातील सातत्याने मुबलक ऊस असताना अशोक सहकारी साखर कारखाना १५/२० वर्षात एखाद दुसरे वर्ष वगळता सातत्याने तोट्यात कसा हा प्रश्न त्यांना विचारावा असे अहवान विठ्ठल राजे पवार यांनी पत्रकारांशी बोलताना दिलेल्या निवेदनात केले आहे यावेळी संघटनेचे नागपूर जिल्हा अध्यक्षा माधुरी पाटील, चिंतामणी मंडलिक, अश्विन आंबीलडुके, युवक अध्यक्ष रितेश ढोबळे, सुरज आंबीलडुके, प्रिया पारधी, कांचन नलवडे, डिंपल पाटील आदी पदाधिकारी उपस्थित होते.