पेटलेल्या कचरा डम्पिंग ग्राउंडकडे प्रदूषण नियंत्रण अधिकाऱ्यांचे दुर्लक्ष
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64
🔰आकाश भाग्यवंत नायकुडे
अकलूज दिनांक 19/03/2024 :
अकलूज येथील अकलाई स्मशानभूमी शेजारील कचरा डम्पिंग ग्राउंड दि.18 रोजी रात्री पासून पेटलेले आहे. या कचऱ्यामध्ये बायोवेस्ट मेडिकल, मेलेली जनावर, व इतर घाण असल्याने धुपत धुपत जळणाऱ्या कचरा डम्पिंग मुळे मानवी आरोग्याला अपायकारक अशा दुर्गंधीयुक्त धुराचे साम्राज्य परिसरात निर्माण झाले आहे. कचरा डम्पिंग ग्राउंडला चिटकून असलेल्या लोकवस्तीतील
राहणाऱ्या कुटुंबातील हजारो लोकांचे, लहान मुले व वयवृद्ध नागरिकांचे मानवी जीवन, आरोग्य धोक्यात आले आहे. अकलूज नगरपरिषद मुख्याधिकारी दयानंद गोरे यांना मागील दोन वर्षांपूर्वी अकलाई डम्पिंग ग्राउंड स्थलांतरित करण्याबाबत सामाजिक कल्याण एवं मानव संरक्षण संघाच्या वतीने निवेदन देण्यात आले होते या निवेदनाला आश्वासन देण्यात आले होते की लवकरात लवकर कचरा डम्पिंग ग्राउंडला स्थलांतरित करण्यात येईल. परंतु मागील दोन वर्षापासून मुख्याधिकारी यांना जागाच सापडेना. सदर गोष्टीची तक्रार सोलापूर प्रदूषण नियंत्रित कार्यालय सोलापूर यांच्याकडे केली आहे. पण डम्पिंग ग्राउंड मधील धुरातून होणारे प्रदूषणची पाहणी करण्यासाठी अद्यापही प्रदूषण विभागाचे पथक अकलूजमध्ये कधीही दाखल झाले नाही. जर प्रशासनाने वेळ काढूपणा करून लोकांच्या मानवी जीवाशी खेळण्याचे ठरवले असेल तर अकलूज नगरपरिषद विरोधात दाद मागण्यासाठी आम्ही आमच्या HUMAN OF PROTECTION सामाजिक कल्याण एवं मानव संरक्षण संघाच्या वतीने महाराष्ट्र राज्य मानवाधिकार आयोग यांच्याकडे तक्रार दाखल करणार आहे. अकलूज नगरपरिषद मुख्याधिकारी दयानंद गोरे यांनी तात्काळ कचऱ्याचे डम्पिंग दुसरीकडे हलवण्याबाबत उपाययोजना करावी असे एका निवेदनाद्वारे पश्चिम भारत अध्यक्ष अमोल बाळासाहेब माने यांनी संबंधितांना कळविले आहे.
