सहकार महर्षि अभियांत्रिकी महाविद्यालयास विविध विद्यालयातील विद्यार्थ्यांची भेट
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.
अकलूज दिनांक 22/12/2023 :
अकलूज. ता. २१: येथील सहकार महर्षी शंकरराव मोहिते-पाटील इन्स्टिटयूट ऑफ टेक्नॉलॉजी अँड रिसर्च,शंकरनगर -अकलूज या अभियांत्रिकी महाविद्यालयास दि.१८ /१२/२०२३ रोजी जिजामाता कन्या प्रशाला अकलूज, महर्षि शंकरराव मोहिते प्रशाला यशवंत नगर, लक्ष्मीबाई कन्या प्रशाला यशवंतनगर दि.१९ /१२/२०२३ रोजी सदाशिवराव माने विद्यालय अकलूज, जिजामाता कन्या प्रशाला अकलूज, शंकरराव मोहिते महाविद्यालय अकलूज दिनांक २०/१२/२०२३रोजी श्री जयसिंह मोहिते-पाटील विद्यालय संग्रामनगर, श्री सावता माळी विद्यालय माळेवाडी, अकलाई विद्यालय अकलूज, सदाशिवराव माने विद्यालय,अकलूज येथील विद्यार्थ्यांनी भेट दिली. सदर उपक्रमामध्ये तीन दिवसात एकूण 2000 विद्यार्थ्यांनी महाविद्यालयास भेट दिली.विध्यार्थ्यानी महाविद्यालयात आल्यानंतर महाविद्यालयातील प्रत्येक विभागाची तसेच विभागातील प्रयोगशाळांची अतिशय बारकाईने व कुतुहुलाने पाहणी केली. त्यांना सर्व प्रयोगशाळा तसेच त्यातील विविध उपकरणे पाहण्याची अतिशय उत्सुकता वाटत होती व तो आनंद त्यांच्या चेहऱ्यावर दिसून येत होता. त्यानंतर सिव्हील सेमिनार हॉलमध्ये विध्यार्थ्यांना महाविद्यालयातील पायाभूत सोयी -सुविधा व वेगवेगळ्या डिपार्टमेंट बद्दल माहिती देण्यात आली.
महाविद्यालयाचे प्राचार्य डॉ.प्रवीण ढवळे यांनी उपस्थित विध्यार्थ्यांना विविध क्षेत्रातील शिक्षण व नोकरी मधील संधी याबद्दल मोलाचे मार्गदर्शन केले. त्यामध्ये त्यांनी आधुनिक शिक्षण खूप महत्वाचे आहे. विध्यार्थी हा शिक्षण घेऊन मोठा व्हायला पाहिजे. ज्ञान घेऊन देशाला खारीचा वाटा म्हणून प्रत्येकाने आपले योगदान देणे महत्त्वाचे आहे असे सांगितले. त्याचबरोबर पुढील उच्च शिक्षणासाठी विध्यार्थ्यांना विविध कागदपत्र खूप महत्त्वाची असतात. तरी सर्वांनी सदर कागदपत्र वेळेत काढून घेऊन व्यवस्थित ठेवावीत जेणेकरून पुढील प्रवेशासाठी अडचण निर्माण होणार नाही असा मोलाचा सल्लाही प्राचार्यानी दिला.शेवटी महाविद्यालयाच्या वतीने नमुद विद्यालयातील शिक्षकांचा सत्कार करण्यात आला. कार्यक्रम यशस्वी करण्यासाठी कार्यक्रमाचे समन्वयक म्हणून प्रा. संजय झंजे सर्व विभागाचे विभागप्रमुख, शिक्षक व शिक्षकेत्तर कर्मचारी यांनी काम पाहिले. कार्यक्रमाचे सूत्रसंचलन व आभार प्रदर्शन प्रा. सागर फुले यांनी केले.
