🟣मेंढपाळांना वन विभागाकडून मिळाली 34 हजार रुपये नुकसान भरपाई 🟡यशवंत क्रांती संघटनेच्या प्रयत्नांना यश

🟣मेंढपाळांना वन विभागाकडून मिळाली 34 हजार रुपये नुकसान भरपाई

🟡यशवंत क्रांती संघटनेच्या प्रयत्नांना यश

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

कुंभोज दिनांक 20/9/2023 : भागोजी धोंडीराम मेटकर, बिरू धोंडीराम मेटकर हिंगणगाव ता. हातकणंगले जि. कोल्हापूर यांच्या मेंढरांचा तळ कवठेसार येथील प्रकाश मलगोंडा पाटील कवठेसार ता. शिरोळ यांच्या रत्नाची पट्टी शेतात बसायला असताना दि. ३० मार्च २०२३ रोजी रात्री मेंढरांच्या कळपावरती तरससदृश्य वन्यप्राण्यांनी हल्ला करून मेंढपाळ बिरू मेटकर व भागोजी मेटकर या दोघांची मिळून ११ मेंढरांची कोकरे ठार मारली होती.४ कोकरे गंभीर जखमी झाली होती. हल्यादरम्यान वन्य प्राण्यांना विरोध करणाऱ्या मेंढपाळांच्या कुत्र्यावरही तरसदृश्य प्राण्यांनी हल्ला करून गंभीरित्या जखमी केले होते. या बाबत मेंढपाळ भागोजी मेटकर यांनी यशवंत क्रांती संघटनेचे संस्थापक अध्यक्ष संजय वाघमोडे यांना कळवले होते. या प्रकरणाची गंभीर दखल घेऊन त्यांनी वन अधिकारी व पशुसंवर्धन अधिकारी यांच्यासह घटनास्थळी भेट दिली होती. अधिकाऱ्यांनी घटनेचा रितसर पंचनामा करुन या प्रकरणाचा यशवंत क्रांती संघटनेच्या माध्यमातून संजय वाघमोडे यांनी सतत पाठपुरावा केला होता. केलेल्या पाठपुराव्यास यश येऊन भागोजी मेटकर व बिरू मेटकर यांना वन विभागाकडून ३४ हजार रुपये नुकसान भरपाई मिळाली. यावेळी यशवंत क्रांती संघटनेचे संस्थापक अध्यक्ष संजय वाघमोडे,कोल्हापुर जिल्हा संघटक पिंटू गावडे, शिरोळ तालुका अध्यक्ष दादा गावडे, हातकणंगले तालुका अध्यक्ष यशवंत वाकसे, मेंढपाळ बिरू मेटकर, भागोजी मेटकर, पत्रकार सचिन भानुसे, कुंभोज शाखाचे पदाधिकारी सतीश बंडगर, बाळू बंडगर, पोपट गावडे, यशवंत क्रांती संघटनेचे पदाधिकारी उपस्थित होते.
वन विभागाकडून नुकसान भरपाई मिळाल्याने मेंढपाळ यांनी समाधान व्यक्त केले.