🟣 “घटनेने दिलेले अधिकार व हक्कासाठी सर्वानी एकत्र येऊन लढा देणे चांगले” : मुख्यमंत्री सिद्धरामय्या 🟡 शेफर्ड इंडियाच्या वतीने आयोजित बेळगाव येथील अधिवेशनाला दोन लाख धनगर बांधव उपस्थित.

🟣 “घटनेने दिलेले अधिकार व हक्कासाठी सर्वानी एकत्र येऊन लढा देणे चांगले”  : मुख्यमंत्री सिद्धरामय्या

🟡 शेफर्ड इंडियाच्या वतीने आयोजित बेळगाव येथील अधिवेशनाला दोन लाख धनगर बांधव उपस्थित.

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra State, India.
Mo. 9860959764.

बेळगाव दिनांक 04/10/2023 :
भारतातील सर्वच राज्यात धनगर समाज वास्तव्यास आहे. घटनेने दिलेले अधिकार व हक्कासाठी संघटित होऊन लढा देणे ही चांगली बाब आहे. आपल्या न्याय हक्कासाठी समाज मेळाव्यांचे आयोजन करणे चुकीचे नाही. असे प्रतिपादन कर्नाटकचे मुख्यमंत्री सिद्धरामय्या यांनी केले. बेळगाव येथील जिल्हा क्रीडा मैदानावर शेफर्ड इंडिया च्या नवव्या राष्ट्रीय महामेळाव्याचे उद्घाटनप्रसंगी ते बोलत होते. शेफर्ड इंडिया इंटरनॅशनल चे अध्यक्ष एच विश्वनाथ, उपाध्यक्ष एच एम रेवांना, कर्नाटकचे मुख्यमंत्री सिद्धरामय्या, हरियाणाचे राज्यपाल बंडारू दत्तात्रेय, गोव्याचे माजी उप मुख्यमंत्री कोळेकर, बेळगावचे पालकमंत्री सतीश जारकीहोळ, महिला व बालकल्याण मंत्री लक्ष्मी हेब्बाळकर, नगर विकास मंत्री बहिरती सुरेश, बेळगाव जिल्ह्यातील आमदार, खासदार, माजी आमदार जिल्हा काँग्रेसचे अध्यक्ष लक्ष्मणराव चिंगळे,
आदी मान्यवर उपस्थित होते. पुढे बोलताना ते म्हणाले, देशांमध्ये धनगर समाज मोठ्या संख्येने उपस्थित असला तरी संघटित नसल्याने प्रत्येक क्षेत्रात समाजाची पीछेहाट झाली आहे. संघटित होऊन प्रबळ नेतृत्व निर्माण करणे आवश्यक आहे. आपल्या हक्कासाठी असे मेळावे भरविणे गैर नाही. देशाला स्वातंत्र्य मिळून ७६ वर्षाचा कालावधी लोटला आहे. तरी देखील असमानता कायम आहे. जातीव्यवस्था, जाती-जातीमध्ये भेदभाव निर्माण केला जात आहे. राज्यांमध्ये अनेक जाती धर्माची मठ आहेत. मात्र आपण कोणत्याच प्रकारची जात मानत नाही. प्रत्येकाला माणूस म्हणून वागणूक द्यावी तरच मठांना महत्त्व आहे. तरच एक श्रेष्ठ राष्ट्र निर्माण होऊ शकते.
प्रगती होणे आवश्यक आहे. आपल्या सरकारकडून राबवलेल्या योजना कोणत्या जाती धर्मासाठी मर्यादित नाहीत. सर्व जाती-धर्मातील लोकांच्या कल्याणासाठी आहेत. गोरगरिबांना न्याय मिळवून देण्यासाठी आपण शेवटपर्यंत झटत राहणार आहोत. गोरगरिबांचे जीवनमान उंचविण्यासाठी अशा विकासाभिमुख योजना राबविणार असेही त्यांनी सांगितले. आपण कोणत्या जाती धर्मामध्ये संघर्ष निर्माण केला नाही. सर्वांना एकत्र आणून विकास साधण्याचा प्रयत्न केला आहे. आणि ते प्रयत्न आपण यापुढेही सुरूच ठेवणार आहोत. मात्र काही जणांना हे पचेनासे झाले आहे. विरोधकाकडून सिद्धरामया जातीवादी आहे, असा आरोप केला जात आहे. आपल्या राजकीय जीवनात जातीवाद केला नाही, यापुढे करणार नाही. जनतेने दिलेल्या आशीर्वादामुळे राज्यात काँग्रेस पक्ष सत्तेवर आला आहे. गॅरेंटी योजना चे आम्हीच दाखवल्याचे सांगत आपल्यावर विरोधात न्यायालयात दावा दाखल करण्यात आला आहे. याला न्यायालयात योग्य उत्तर देऊ.. जगद्गुरु बसवेश्वर, डॉ. बाबासाहेब आंबेडकर, महात्मा गांधी, यांचे स्वप्न साकार होण्यासाठी समाजातील सर्व जाती-धर्माच्या लोकांचा विकास होणे आवश्यक आहे. स्वातंत्र्यानंतर ही समाजातील अनेक घटकांना न्याय मिळालेले नाही. त्यांच्या न्याय हक्कासाठी शेवटपर्यंत प्रयत्न करणार असल्याचे त्यांनी सांगितले.
राज्यात वेगवेगळ्या जिल्ह्यात राहणाऱ्या धनगर समाजातील नागरिकांचा वेगवेगळ्या जातीमध्ये समावेश करण्यात आला आहे काहीजण अनुसूचित जातीमध्ये तर काहीजण अनुसूचित जमातीमध्ये आहेत. धनगर समाजाचा अनुसूचित जातीमध्ये समावेश करण्यात यावा यासाठी केंद्र सरकारकडे प्रस्ताव पाठवण्यात आला आहे. तो मान्य करून आणू असे आश्वासन दिले. धनगर समाजाच्या समस्या सोडविण्यासाठी हा मेळा भरवण्यात आलेला आहे. देशात वेगवेगळ्या राज्यात वेगवेगळ्या नावाने या समाजाची ओळख आहे कर्नाटकामध्ये या समाजाला न्याय मिळवून देण्यासाठी सरकारकडून अनेक वेळा प्रयत्न करण्यात आले आहेत ३२ कोटीपेक्षा अधिक निधी देऊन आर्थिक दृष्ट्या मदत करण्यात आली आहे. समाज संघटित नसल्याने नेतृत्वाचा अभाव आहे. यासाठी समाजाला संघटित व्हावे लागणार आहे. आगामी लोकसभा निवडणुकीत धनगर समाजातील नेत्याला नेतृत्वा ची संधी दिली जाणार आहे. यावर विचार नंतर करणार असून लवकरच योग्य निर्णय घेतला जाईल असे जिल्हा पालकमंत्री तथा बांधकाम मंत्री सतीश जारकी होळी यांनी सांगितले.

मेळाव्यास यशवंत क्रांती संघटनेचे पदाधिकारी ही मोठ्या संख्येने उपस्थित..
यशवंत क्रांती संघटना संस्थापक अध्यक्ष संजय वाघमोडे, जिल्हा सरचिटणीस राम कोळेकर, विक्रम डोने जत तालुका, व यशवंत क्रांती संघटनेचे बेळगाव जिल्हातील पदाधिकारी बाळू लक्ष्मण कोळेकर, संजय कोळेकर, सिद्राम गोरडे, बिरू कोळेकर, मुरलीधर कोळेकर, सात्ताप्पा कोळेकर, सिद्राम कोळेकर, मुतकापा धनगर, विठ्ठल कोळेकर, अंकुश कोळेकर, शंकर कोळेकर, बिरसू कोळेकर, विठ्ठल ठेंगले, शिंगाडी कोळेकर, सुर्यापा कोळेकर, नारायण कोळेकर, गणपती कोळेकर, सिद्धू कोळेकर, दगडू कोळेकर, बिरू कोळेकर, तुकाराम कोळेकर, आणाप्पा अप्पासाहेब डोळे, सुरेश लांडगे, पिंटू डोने, हलाप्पा शेंडगे, राघू शेंडगे, कलाप्पा डोणे, मारुती डोणे, नवलापा डोळे, विठ्ठल लांडगे, लक्ष्मण डोणे, बापू अनुशे, बिरा डोने, सुरेश अनुसे, सोमा यमगर, सोमा रेवडे, सत्यपा अनुसे, लिंगाप्पा डोने, लक्ष्मण दिवटे, बिराप्पा डोने, सागर यमगर, सिद्धू दिवटे, अवघडी शेंडगे, कृष्णात आणुसे, बिराप्पा डोळे, विठ्ठल शेंडगे, गुंडा डोने, मनोहर डोणे, लक्ष्मण अनुसे, बिराप्पा शिरोले, बापू धनगर, बिराप्पा ढोणे, बिरू लांडगे, कृष्णात शेंडगे, वासू शेंडगे आदी पदाधिकारी उपस्थित होते.