💢 तरस सदृश्य प्राण्यांच्या हल्ल्यात ११ बकरी ठार ३ गंभीर जखमी 🟨 पट्टण कोडोली ता. हातकणंगले येथील घटना,

💢 तरस सदृश्य प्राण्यांच्या हल्ल्यात
११ बकरी ठार ३ गंभीर जखमी

🟨 पट्टण कोडोली ता.हातकणंगले येथील घटना,

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 आकाश भाग्यवंत नायकुडे

मुंबई दिनांक 08/07/2024 :

तरस सदृश्य वन्य प्राण्यांनी केलेल्या हल्ल्यात पट्टण कोडोली येथील विठ्ठल हीवराप्पा डावरे यांच्या ११ बकऱ्यांचा जागीच मृत्यू झाला तर तीन गंभीर जखमी झाल्या आहेत. ही घटना रविवारी संध्याकाळी ४ ते ५ वाजण्याच्या दरम्यान घडली. या हल्ल्यात मेंढपाळांचे मोठे आर्थिक नुकसान झाले आहे.
याबाबत घटनास्थळावरून मिळालेली माहिती अशी की विठ्ठल हिवरापा डावरे, बाबासो रामा डावरे ,बिरू आनंदा डावरे राहणार पट्टण कोडोली ता. हातकणंगले या सर्व मेंढपाळांच्या सुमारे ४०० ते ५०० मेंढ्यांचा कळप इंगळी येथील नामदेव चव्हाण यांच्या व इंगळी ते इंचलकरंजी रोड लगतच्या सावकार मळा येथील गट नंबर १०१ या शेतात खतासाठी चार ते पाच दिवसापासून बसायला आहेत.
रविवारी सकाळ पासून मुसळधार पाऊस पडत होता. सकाळी दहा पासून सदर मेंढपाळ मेंढ्या घेऊन दूसरी कडे चरावयास गेले होते. संध्याकाळी साधारण साडे चारच्या दरम्यान संततधार पाऊस सुरू होता या पावसातच तरस सदृश्य वन्यप्राण्यांच्या कळपाने मेंढरांच्या तळावर हल्ला चढवला. या हल्ल्यात विठ्ठल हीवरापा डावरे यांच्या ११ बकरी मृत्युमुखी पडल्या.
घटनेची खबर मिळताच विजय कांबळे वनपाल हातकणंगले, मंगेश वंजारे वनरक्षक तमदलगे, अरुण खामकर वनरक्षक, लहू भंडारे वनसेवक, यांनी घटनास्थळी उपस्थित राहून घटनेचा पंचनामा केला. पशुवैद्यकीय अधिकारी डॉक्टर भोसले व त्यांच्या सहकार्यानी मृत बकऱ्याचे शवविच्छेदन केले.
घटनास्थळी यशवंत क्रांती संघटनेचे संस्थापक अध्यक्ष संजय वाघमोडे कोल्हापूर जिल्हा सरचिटणीस राम कोळेकर ,जिल्हा उपाध्यक्ष दादा गावडे, करवीर वनपरिक्षेत्र अधिकारी कांबळे, वनपाल संजय कांबळे,वनरक्षक तसेच वनविभाग व पशुसंवर्धन कर्मचारी,अविनाश शिनगारे लक्ष्मण पुजारी सुनील मंगसुळे ,सातापा रामान्ना, मंजुनाथ भानसे, बिरू डावरे, बाबासो डावरे, सागर लंगु, तानाजी डावरे, कुमार वळीवडे आनंदा डावरे हीवरापा डावरे इत्यादी व इंगळी, पट्टण कोडोली गावातील ग्रामस्थ व मेंढपाळ मोठ्या संख्येने उपस्थित होते. घडलेल्या घटनेमुळे हुपरी मध्ये हळहळ व्यक्त करण्यात येत आहे