🟣सदगुरू गहिनीनाथ अर्बन बँकेची 26 वी वार्षिक सभा खेळीमेळीत संपन्न. 🔵बँकेचा चालू वर्षात 0 टक्के एन पी ए 🟠सभासदांना १० टक्के लाभांश जाहीर

🟣सदगुरू गहिनीनाथ अर्बन बँकेची 26 वी वार्षिक सभा खेळीमेळीत संपन्न.

🔵बँकेचा चालू वर्षात 0 टक्के एन पी ए

🟠सभासदांना १० टक्के लाभांश जाहीर

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

अकलूज दिनांक 31/8/2023 : माळशिरस तालुक्यातील सहकार क्षेत्रातील एक अग्रगण्य बँक म्हणून नावारुपास आलेल्या येथील सदगुरू गहिनीनाथ अर्बन को- ऑप बँकची २६ वी वार्षिक सर्वसाधारण सभा नुकतीच खेळीमेळीच्या वातावरणात संपन्न झाली.
माळीनगर येथील सौभाग्य मंगल कार्यालयात आयोजित करण्यात आलेल्या सदगुरू गहिनीनाथ अर्बन बँकेच्या २६ व्या वार्षिक सर्वसाधारण सभेच्या अध्यक्षस्थानी बँकेचे चेअरमन डॉ.अरविंद खुशालचंद गांधी हे होते. प्रारंभीच बँकेचे सभासद धनंजय शिंदे यांचे हस्ते श्री गहिनीनाथ महाराजांच्या प्रतिमेचे पूजन करण्यात आले.
सभे प्रसंगी बँकेचे व्हा.चेअरमन शिरीष फडे, संचालक डॉ.विठ्ठल कवीतके, अजित गांधी, सन्मती सोनाज, डॉ.मिलिंद खाडे, भरतेश वैद्य, निलेश गिरमे, मुख्य कार्यकारी अधिकारी नंदकुमार गोरे, ऍड. मोहन शेंडगे, बँकेचे अधिकारी मनोज मंगरुळे, राहुल देशपांडे, हरिदास कांबळे, किशोर कुलकर्णी, महादेव बंडगर, सर्व कर्मचारी व सभासद उपस्थित होते. या सभेत सभासदांनी विचारलेल्या प्रश्नांना बँकेचे चेअरमन डॉ.अरविंद गांधी यांनी समाधानकारक उत्तरे दिली.यावेळी बँकेचे चेअरमन डॉ.अरविंद गांधी बोलताना म्हणाले की,चालू आर्थिक वर्षात बँकेला ६२.७१ लाख इतका नफा झालेला असून सभासदांना १० टक्के लाभांश जाहीर केला आहे. बँकेकडे ३२.५९ कोटीच्या ठेवी असून १८.२४ कोटीचे कर्ज वाटप केले आहे तसेच बँकेकडे १.४६ कोटी शेअर भांडवल असून स्वनिधी ९.५९ कोटी इतका आहे.
बँकेचा चालू वर्षात 0 टक्के एन पी ए असून बँकेच्या विकासात मोलाची कामगिरी केल्याबद्दल मुख्य कार्यकारी अधिकारी नंदकुमार गोरे यांचा सत्कार बँकेचे चेअरमन डॉ.गांधी यांनी यावेळी केला.बँकेच्या रौप्य महोत्सवी वर्षानिमित्त सभासदांना बॅगेचे वाटप करण्यात आले. बँकेचे अधिकारी संजय कुलकर्णी यांनी प्रास्ताविक व अहवाल वाचन केले तर चेअरमन डॉ.गांधी यांनी आभार मानले.