🟣राजपथ इन्फ्राला गौण खनिज उत्खनन परवाना नाहीच? इंदापूर महसूल विभागात खळबळ.! 🟢तर कार्तिक खत्री यांनी नियमाचे उल्लंघन केल्याने परवाना रद्द व कठोर कारवाई करणेची संघटनेची मागणी.

⭕माहिती अधिकारात मागवलेल्या माहितीत राजपूत इन्फ्राला गौण खनिज उत्खननाचा परवाना नाही! खोट्या माहिती द्वारे शेततळे खोदण्याच्या नावाखाली राजपूत इन्फ्राने नातेवाईक मंत्र्याच्या आशीर्वादाने बेकायदेशीर उत्खनन केल्याची माहिती मिळत आहे. ते महसूल अधिकाऱ्यांवर राजकीय दबाव आणून प्रकरण दाबण्याचा प्रयत्न करत आहेत परंतु संघटनेचे अध्यक्ष यांनी राजपूत इंफ्रावर कठोर कारवाई करण्याची मागणी राज्याचे मुख्यमंत्री व गौण खनिज मंत्री तसेच गृहमंत्री यांच्याकडे केली आहे. कारण शेततळे किंवा विहीर खोदण्याच्या नावाखाली बेकायदेशीर गौण खनिज उत्खनन केल्याने बेलवाडी येथील चार शेतमजूर युवकांना आपला प्राण गमवावा लागलेचे प्रकरण अत्यंत गंभीर आहे. दुसऱ्या त्याच प्रकरणात महसूल विभागाचा हलगर्जीपणा नको बाबतची माहिती संघटनेचे अध्यक्ष विठ्ठल पवार राजे यांनी यावेळी इंदापूर तहसीलदार यांना दिली आहे.

Chief Editor14/08/2023Last Updated: 14/08/2023

227 4 minutes read

🟣राजपथ इन्फ्राला गौण खनिज उत्खनन परवाना नाहीच? इंदापूर महसूल विभागात खळबळ.!

🟢तर कार्तिक खत्री यांनी नियमाचे उल्लंघन केल्याने परवाना रद्द व कठोर कारवाई करणेची संघटनेची

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
M9. 9860959764.

अकलूज दिनांक 14/8/2023 :
इंदापूर तालुक्यातील म्हसोबावाडी येथील चार कष्टकऱ्यांच्या बेकायदेशीर गौण खनिज उत्खनन खाणीत अपघाती मृत्यू दुर्घटनेत बेलवाडी येथील निष्पाप लोकांच्या बळी गेला आहे. तरी देखील राजपूत इन्फ्रा हे राज्यातील एका बड्या मंत्र्याचे नातेवाईक असल्याचे खाजगीत सांगत असून सदर नातेवाईक आणि तालुक्यातील माजी राज्यमंत्री हे इंदापूर तालुक्यातील तसेच पुणे जिल्ह्यात जिल्हाधिकारी कार्यालय खणीकर्म विभागातील अधिकाऱ्यांवर राजकीय दबाव टाकत असल्याने सर्वसामान्य शेतकरी कष्टकरी कामगारांचा जीव हा तुम्हाला स्वस्तात वाटतो का म्हणून शेतकरी संघटनेचे पदाधिकारी महसूल विभागाचे बेजबाबदार पणावर अत्यंत चिडलेले आहेत. त्यामुळे सदरचे प्रकरण आणखीनच गंभीर होण्याची शक्यता नाकारता येत नाही. इंदापूर तालुक्यातील मौजे निरगुडे येथील युवा शेतकरी माजी ग्रामपंचायत सदस्य महादेव सुंदरलाल काजळे व अतुल मारुती वनवे यांनी माहिती अधिकारांमध्ये मागितलेल्या माहितीमध्ये जिल्हाधिकारी कार्यालय पुणे खनिकर्म अधिकारी कार्यालयाने माहिती अधिकार अधिनियम 2005 अन्वये केलेल्या मागणीतील अहवालामध्ये इंदापूर तालुक्यातील मौजे निरगुडे येथील सोनवणे वस्तीवर सुरू असलेल्या गौण खनिज उत्खनन करण्याचा राजपत इंम्फ्रा ला खोदकाम करण्याचा कोणताही गौण खनिज उत्खननाचा परवानगा अथवा तात्पुरता गौण खणीत उत्खननाचा परवाना जिल्हा खनिकर्म अधिकारी कार्यालयाकडून दिलेला नसल्याबाबत ची माहिती माहिती अधिकार अधिनियम 2005 अन्वये जिल्हा खनिकर्म जन माहिती अधिकारी काकासाहेब शिकतोडे यांनी लेखी अहवालात दिलेली आहे.
तसेच दुसऱ्या माहितीमध्ये कार्तीक विरचंद खत्री कि.? व्ही एच खत्री.? काँन्ट्रक्टर यांना दिलेल्या गौण खनिज उत्खननाच्या परवाण्यातील नियम, अटी व शर्तीचा भंग खत्री.? यांनी केला असल्याची माहिती इंदापूर तालुक्यातील महसूल विभागातील दिनांक 11 ऑगस्ट 2023 रोजी इंदापूर तालुका तहसीलदार इंदापूर श्रीकांत पाटील यांच्यासमोर झालेल्या सुनावणी मध्ये देण्यात आली आहे. की कार्तिक वीरचंद खत्री यांनी घेतलेला गौण खनिज उत्खनन परवाना व त्यातील अटी व शर्तीचे पालन केलेले नाही तसेच इंदापूर तालुक्याचे तहसीलदार यांनी सुनावणी दरम्यान वी एच खत्री कॉन्ट्रॅक्टर नावाने दिलेली नोटीस या दोघांमधल्या नावाच्या गौडबंगाल मध्ये नेमकं काय दडला आहे हे समजत नाहीये असा आरोप संघटनेचे अध्यक्ष विठ्ठल पवार राजे यांनी केला आहे.
राजपथ इंन्फ्रा प्रायव्हेट लिमिटेड यांना गौण खनिज उत्खननाचा कोणताही परवाना जिल्हा खनिकर्म अधिकारी कार्यालयाकडून दिलेला नाही मात्र राजपूत इंफ्रा यांनी गेल्या तीन महिन्यापासून झालेल्या वेगवेगळ्या सुनावणीमध्ये राजपथ कॉन्ट्रॅक्टर ला गौण खनिज उत्खननाचा परवाना असल्याबाबतची खोटी माहिती इंदापूर तालुक्याचे तहसीलदार श्रीकांत पाटील यांच्यासमोर तसेच मंडळ अधिकारी भिगवण व तलाठी निरगुडे व ग्रामपंचायत ग्रामविकास अधिकारी निरगुडे यांच्या कागदपत्राद्वारे दिलेली असल्याने सदरची माहिती खोटी असल्याचे दिनांक 11 ऑगस्ट रोजी तहसीलदार श्रीकांत पाटील इंदापूर यांच्यासमोर झालेल्या सुनवनी दरम्यान सिद्ध झालेले आहे.
तसेच व्हि एच खत्री की कार्तिक खत्री? कॉन्ट्रॅक्टर यांना दिलेल्या परवान्यांमधील जिल्हा खनिकर्म अधिकारी व अप्पर जिल्हाधिकारी यांनी कार्तिक वीरचंद खत्री यांना गौण खनिज उत्खननाचे दिलेल्या आदेशात तालुक्याचे तहसीलदार व उपविभागीय अधिकारी बारामती यांना सदर स्थळावर प्रत्यक्ष पाहणी करून अहवाल सादर करण्याचे करण्याचे आदेश दिलेले होते. मात्र इंदापूर तालुक्याच्या तहसील कार्यालय अथवा बारामती विभागाचे उपविभागीय कार्यालयाने कोणतीही पहाणी केलेली नाही, किंवा अप्पर उपजिल्हाधिकारी किंवा खणी कर्म विभाग यांना कोणताही उलट टपाली रिपोर्ट सादर केलेला नाही ही बाब अत्यंत गंभीर आहे.? तसेच खत्री कॉन्ट्रॅक्टरने पाझर तलावामध्ये खोदलेल्या बेकायदेशीर गौण खनिज तसेच त्यांना इतर वन विभाग, फाॕरेस्ट, पर्यावरण, प्रदूषण, जलसंधारण विभागाच्या परवानग्या घेतलेल्या नाहीत. तसेच भिगवण चे मंडळ अधिकारी निरगुडे चे तलाठी व ग्रामविकास अधिकारी यांनी देखील त्यांच्या पंचनामांमध्ये पाझर तलाव केटी बंधारे फॉरेस्ट व वन विभाग यांची हद्दलगत असल्याने संबंधितांकडून परवानगी घेतल्या नसल्याबाबत ची माहिती लपवून खत्री व राजपत इन्फ्रा यांना मदत होईल असे आयपीसी ॲक्ट मधील कलम 120 ब व कलम 34 चे उल्लंघन केले आहे. खत्री कॉन्ट्रॅक्टरकडेही इतर खात्यांचा एनओसी परवाना नसल्याबाबतचा बाबतची माहिती 11 ऑक्टोबर रोजी सुनावणी वेळी तहसीलदार यांना दाखवण्यात व लेखी पुरावे देण्यात आलेले आहेत. त्यामुळे व्ही एच खत्री कि कार्तिक वीरचंद खत्री.? सोबतच राज पथ इन्फ्रा यांच्या बनावट कागदपत्रांचे गौडबंगल चा विस्फोट होऊन बाहेर आले आहे. सदर गौण खनिज उत्खनन बोगस कागदपत्राद्वारे परवाने मिळवलेल्या असलेल्या ने सर्व संबंधितांवर कठोर कारवाई करण्याची मागणी संघटनेच्या अध्यक्षांनी यावेळी तहसीलदार श्रीकांत पाटील यांचेकडे सुनवणी दरम्यान केलेली आहे.
यामुळे राजपूत इन्फ्रा कॉन्ट्रॅक्टर हा मोठ्या अडचणीत सापडल्याने भिगवण महसूल मंडळात खळबळ उडाली आहे, दरम्यान इंदापूर तालुक्याचे तहसीलदार यांनी भिगवण चे मंडळ अधिकारी, तलाठी व ग्राम विकास अधिकारी यांच्याकडे स्पॉट पंचनामे व स्थळाची पाहणी केलेली माहिती वेळेत उपलब्ध करून पंचनामा सादर केलेला नसल्याकारणाने तहसीलदार यांनी तलाठी मंडळ अधिकारी व संबंधितांना सोकाॕज नोटीस बजावलेली असल्याने मंडळाधिकारी भिगवण संबंधित सर्व तलाठी ग्रामपंचायत ग्रामविकास अधिकारी व संबंधित ग्रामपंचायतीचे सदस्य सरपंच ग्रामपंचायत हे सर्वजण अडचणीत येऊन मोठ्या कारवाईला सामोर जावे लागेल, अशी माहिती शेतकरी संघटनेचे अध्यक्ष विठ्ठल पवार राजे यांनी सुनावणीनंतर पत्रकारांना आणि अकलूज वैभव, वृत्त एकसत्ता, aklujvaibhav.in सांगितले. ते म्हणाले की पुणे जिल्ह्याचे जिल्हाधिकारी आणि राज्याचे मुख्यमंत्री हेच गौणखणीज खात्याचे मंत्री असल्याने त्यांच्याकडे लेखी तक्रार दाखल करून राजपूत इन्फ्रा, खत्री कॉन्ट्रॅक्टर.? मंडळ अधिकारी भिगवण, संबंधित तलाठी, ग्राम विकास अधिकारी व संबंधित ग्रामपंचायतीचे सदस्य सरपंच यांच्यावर कठोर कारवाई करण्याबाबतचा इशारा शरद जोशी विचारमंंच शेतकरी संघटनेने इंदापूर येथे पत्रकारांशी बोलताना दिला आहे.
दत्तात्रय काजळे व अतुल वणवे या शेतकऱ्यांनी सदरबाबत वारंवार तक्रारी करून देखील गेल्या सात आठ महिन्यांमध्ये राजपथ कॉन्ट्रॅक्टर व खत्री कॉन्ट्रॅक्टर वर बेकायदेशीर गौण खनिज उत्खननाच्या बाबतीत खुप तक्रारी झालेल्या आहेत, बेकायदेशीर गौण खनिज उत्खनन व हाय स्पीड स्फोटके वापरून केलेल्या ब्लास्टिंगमुळे निरगुडे ग्रामपंचायत परिसरातील वनवे वस्ती, सोनवणे वस्ती, निरगुडे गाव, लकडे वस्ती, गायरान वस्ती इतर ठिकाणच्या घरांना, विहरींना देखील मोठे तडे गेलेले असून अनेक विहिरींचे व बोरवेलचे पाणी आटलेले असून केटी बंधाऱ्याचे व पाझर तलावाचेही मोठे नुकसान झालेले आहे तरी देखील तालुका तहसीलदार कार्यालय मंडळाधिकारी भिगवण व निरगुडे तलाठी यांनी, ग्रामविकास अधिकारी यांचे कडून बोगस दाखले घेऊन सदरचे प्रकरण विहीर शेततळे खोदण्याचे नावाखाली अर्थपूर्ण मैत्रीतून सर्वांनीच सदरचे प्रकरण बेकायदेशीरपणे निपटण्याचा प्रयत्न केला आहे. मात्र आता या प्रकरणी माहिती अधिकारात दिलेली माहिती आणि महसूल विभागाचे अधिकारी यांच्या विरोधामध्ये न्यायालयात दाद मागून संबंधितांचे निलंबंन, कर्तव्यात कसूर, सेवा हमी कायदा, शिस्तभंग, दप्तर दिरंगाई आणि कर्तव्यात कसूर आदी प्रचलीत कायद्या नुसार अधिकाऱ्यांवर कठोर कारवाई करण्याचा इशारा दिनांक 11 ऑगस्ट रोजी इंदापूर तालुक्याचे तहसीलदार यांच्या समोर झालेल्या सुनावणी दरम्यान तक्रारदार संघटनेचे अध्यक्ष तथा राष्ट्रीय निमंत्रक विठ्ठल पवार राजे यांनी दिलेला आहे. यावेळी संघटनेचे सर्व पदाधिकारी व तक्रारदार शेतकरी तसेच पत्रकार मोठ्या संख्येने उपस्थित होते अशी माहिती मौजे निरगुडे येथील तक्रारदार वनवे यांनी दिली आहे.